مولانا حافظ شوکت علی

جنوری 1969 میں لیہ شہر میں پیدا ہوئے ، حفظ قرآن اور سکول کی ابتدائی تعلیم آبائی شہر سے حاصل کی، درس نظامی کا آغاز آبائی شہر سے کیا، سند فراغت ملتان سے 1989 میں حاصل کی، بعد ازاں آرمی ایجوکیشن کور میں شمولیت اختیار کر لی ۔دوران ملازمت بی اے اور ایم اے اسلامیات کے امتحان بہاء الدین زکریا یونیورسٹی ملتان سے پاس کئے، پاک آرمی میں دوران سروس ملک کے مختلف علاقوں میں تعینات رہے اور آرمی کور کے مقابلہ حفظ وقرأت میں اول انعام سے نوازے گئے۔ 2021 میں آرمی ایجوکیشن کور سے 32 سالہ خدمات کے بعد ریٹائر ہو گئے۔ 2021 سےادارہ فکر جدید میں بطور ناظم تعینات ہیں۔